شقتك صغيرة؟ نصايح تعطيك احساس hلوسع في شقتك ….. معظم الشباب والمقبلين على الزواج بيعانوا من مساحة شققهم الصغيرة ده غير ان دلوقتي معظم المساحات بقت صغيرة بس مش معنى كده اننا نستسلم للامر الواقع وخلاص بإيدك انتى او بإيدك انت انك تفرش الشقه وتوضبها وتديها ايحاء انها كبيره, يعنى مثلا لو حمامك صغير ممكن تحط فيه مرايه كبيرة تديك احساس بالوسع بسبب الانعكاس ولو الغرف والريسيبشن صغيرين حاول تستخدم الالوان الفاتحه لأنها تعطى احساس بالوسع . كمان استخدم قطع الاثاث الصغيرة وغالبا هتبقى مودرن و الستائر لها دور مهم جدااا غير ان الشقه ممكن تكون صغيرة لازم تكون مريحه للاعصاب لان البيت رمز الراحه يبقى لازم نختار الوان تهدى الاعصاب زى اللون الموف فى غرف النوم وغرفة الاطفال, لازم تراعى اختيار الوان هاديه لأن الأطفال فى الغالب أشقياء فما بالك لو استخدمت لون يتعب الاعصاب زى الاحمر ؟! ..